गुल्मीमा दुःखद् दिन : सर्पदंशबाट महिला घाइते, खोलामा डुबेर बालकको मृत्यु
गुल्मी । गुल्मीमा आइतबार भएका दुई छुट्टाछुट्टै घटनामा एक महिला सर्पदंशबाट घाइते भएकी छन् भने एक बालकको खोलामा डुबेर मृत्यु भएको छ।
जिल्ला प्रहरी कार्यालय गुल्मीका अनुसार धुर्कोट गाउँपालिका–१ नयाँगाउँ निवासी २५ वर्षीया सिता वि.क. जंगलमा घाँस काट्ने क्रममा हरियो प्रजातिको सर्पले टोकेपछि घाइते भएकी हुन्। उनलाई प्रारम्भिक उपचारका लागि जिल्ला अस्पताल अर्घाखाँची लगिएको थियो।
अस्पतालमा सामान्य उपचारपछि थप उपचारका लागि कपिलवस्तुको गोरुसिङ्गेस्थित सर्पदंश उपचार केन्द्रमा रिफर गरिएको प्रहरीले जनाएको छ। हाल उनको अवस्था मध्यम रहेको बताइएको छ।
यता, मुसिकोट नगरपालिका–३ टेगा निवासी ११ वर्षीय लुकबहादुर गन्धर्वको खोलामा डुबेर ज्यान गएको छ। प्रहरीका अनुसार लसाहस्थित छल्दी खोलामा पौडी खेल्ने क्रममा उनी आइतबार दिउँसो करिब १२:१५ बजे अचानक डुबेका थिए।
घटनाको जानकारी प्राप्त हुनासाथ प्रहरी टोली घटनास्थल पुगेको थियो। घटनाबारे थप अनुसन्धानका लागि जिल्ला प्रहरी कार्यालय गुल्मीबाट थप प्रहरी परिचालन गरिएको जनाइएको छ।
एक्सप्रेस
सम्बन्धित खबर
आज देशभरको मौसम मुख्यतया सफा रहने
काठमाडौ । हाल देशभर कुनै उल्लेखनीय मौसम प्रणालीको प्रभाव रहेको छैन । मौसम पूर्वानुमान महाशाखाका अनुसार आज दिउँसो सबै प्रदेशको पहाडी भू–भागमा आंशिक बदली रही बाँकी भू–भागमा मुख्यतया सफा रहनेछ । आज राति देशभर...
भगवान शिव चाम्लिङ हुन सक्छन् : प्रधानमन्त्री ओली
राजमार्गले चोला फेर्यो, हर्षले सास्ती बिर्सायो
यथार्थ बजेटतर्फ गण्डकी सरकार, आकार घट्दै कार्यान्वयनमा जोड
गण्डकी प्रदेश सरकार आगामी आर्थिक वर्ष २०८३/८४ को बजेट तयारी...
नेपालको मौसम आज बदली
विषादी मिसिएको पानीले कुलेखानीमा घट्यो माछा उत्पादन
हेटौंडा । मकवानपुरको प्रसिद्ध कुलेखानी जलाशय ९इन्द्रसरोवर० मा पछिल्लो वर्षमा माछाको तौलका साथै उत्पादन घट्दै गएको छ । मत्स्यविकास केन्द्र कुलेखानी र इन्द्रसरोवर मत्स्य व्यवसायी सङ्घका अनुसार ताल वरपरका गाउँमा हुने व्यावसायिक तरकारीखेतीमा प्रयोग गर...



