बाजुरामा दुई जनाको भिरबाट लडेर मृत्यु, ट्याक्टर दुर्घटनामा चालक घाइते

बाजुरामा दुई जनाको भिरबाट लडेर मृत्यु, ट्याक्टर दुर्घटनामा चालक घाइते

बाजुरा । जिल्लाका विभिन्न स्थानमा भएका छुट्टाछुट्टै घटनामा दुई जनाको मृत्यु भएको छ भने एक जना घाइते भएका छन्।

बडीमालिका नगरपालिका–१ पाटाका ६० वर्षीय मानबहादुर दानीको भिरबाट लडेर मृत्यु भएको छ। वनमा घाँस काट्न गएका बेला उनी भिरबाट खसेका थिए। गम्भीर घाइते भएका दानीलाई उपचारका लागि जिल्ला अस्पताल लैजाँदै गर्दा बाटोमै मृत्यु भएको जिल्ला प्रहरी कार्यालय बाजुराले जनाएको छ।

त्यसैगरी, बडीमालिका नगरपालिका–६ कोर्धकी ६ वर्षीया जसना खड्काको पनि भिरबाट लडेर ज्यान गएको छ। आमासँगै गाउँ नजिकैको वनमा घाँस काट्न गएकी उनी चिप्लिएर भिरबाट खसेपछि घटनास्थलमै मृत्यु भएको प्रहरीले जानकारी दिएको छ।

यता, बडीमालिका नगरपालिका–२ भौनेरामा ट्याक्टर दुर्घटना हुँदा चालक दिपेन्द्र चौधरी घाइते भएका छन्। दुर्घटनापछि उनलाई उपचारका लागि जिल्ला अस्पताल मार्तडीमा भर्ना गरिएको छ। उनको अवस्था उपचाररत रहेको प्रहरीले जनाएको छ।

प्रहरीका अनुसार घटनाबारे थप अनुसन्धान भइरहेको छ।

एक्सप्रेस

सम्बन्धित खबर

सामान्य प्रशासनमन्त्री गुप्तालाई हटाउने तयारी

उनले चलाउँदै आएको हरिहर कृषि तथा पशुपालन कम्पनी पहिले भक्तपुर कौशलटारभन्दा मुनि हनुमन्ते खोला नजिकै थियो । गत वर्ष असोज ११ मा सोही खोलामा बाढी आएर बस्न नसकिने भएपछि उनी अहिले सरेर राधेराधे पुगेका छन् । उनले गाई फार्म सञ्चालन गर्दै आएका छन् ‘म ठाउँ सर...