गुल्मीमा भीषण हावाहुरीको कहर : सयौँ परिवार प्रभावित, संसदमा सांसद पन्थीको ध्यानाकर्षण
गुल्मी जिल्लाको मालिका गाउँपालिका मा गएराति आएको आकस्मिक हावाहुरीसहितको वर्षाले ठूलो जनधनको क्षति पुर्याएको छ। राति करिब ८ बजेदेखि ९ बजेको समयमा आएको भीषण हावाहुरीका कारण विशेषगरी नेटा, दर्लिङ, अर्खबाङ, छापहिले, घमिर तथा मर्भुङको उपल्लो भेगका बस्तीहरू सबैभन्दा बढी प्रभावित बनेका हुन्स्थानीय जानकारीअनुसार करिब १५० घरधुरीका छाना उडेको छ भने करिब ६०० नागरिक प्रत्यक्ष रूपमा प्रभावित भएका छन्। हावाहुरीका कारण धेरै परिवारको खाद्यान्न नष्ट हुनुका साथै खेतबारीमा लगाइएका बालीनालीमा समेत ठूलो क्षति पुगेको बताइएको छ। घरविहीन बनेका धेरै नागरिक अहिले खुला आकाशमुनि बस्न बाध्य भएका छन्।
हावाहुरीको असर जिल्लाका अन्य स्थानीय तहमा पनि परेको जनाइएको छ। इस्मा गाउँपालिका र मुसिकोट नगरपालिका मा समेत नागरिकका घरमा क्षति पुगेको स्थानीय स्रोतले जनाएको छ। यद्यपि सबैभन्दा बढी प्रभावित क्षेत्र मालिका गाउँपालिका रहेको बताइएको छ।
स्थानीयवासीले पीडित परिवारलाई तत्काल राहत, खाद्यान्न, लत्ताकपडा तथा अस्थायी बसोबासको व्यवस्था गर्न सरकारसँग माग गरेका छन्। साथै क्षतिको यथार्थ विवरण संकलन गरी राहत तथा पुनर्स्थापनाको प्रक्रिया शीघ्र अघि बढाउनुपर्ने आवश्यकता औँल्याएका छन्। प्रभावित नागरिकहरूले राज्य भएको अनुभूति गर्न सकून् भन्ने व्यवस्था यथाशीघ्र मिलाउन आग्रह गरेका छन्।
यसैबीच, गोविन्द पन्थी ले आज संसदमा आकस्मिक समय लिएर हावाहुरीबाट प्रभावित नागरिकका लागि तत्काल राहत तथा पुनर्स्थापनाको व्यवस्था गर्न सरकारको ध्यानाकर्षण गराउनुभएको छ। उहाँले विशेषगरी मालिका गाउँपालिकामा ठूलो क्षति भएको उल्लेख गर्दै पीडित परिवारलाई तत्काल सहयोग उपलब्ध गराउन आग्रह गर्नुभएको हो।
सांसद पन्थीले संसदमा बोल्दै “भिजिट भिसा” प्रकरणमार्फत नेपाली महिलाहरू मानव तस्करीको जोखिममा परेको विषयमा पनि सरकार गम्भीर हुनुपर्ने बताउनुभएको छ । उहाँले नेपाली महिलाहरूलाई विभिन्न प्रलोभनमा पारेर विदेश लैजाने कार्य बढ्दै गएको भन्दै मानव तस्करी नियन्त्रणका लागि कडा निगरानी र प्रभावकारी कदम चाल्न सरकारसँग आग्रह गर्नुभएको छ।
एक्सप्रेस
सम्बन्धित खबर
प्युठानका स्थानीय तहमा ७ करोड ७३ लाखभन्दा बढी बेरुजु
प्रहरी दिवसमा सम्मानित हुँदा भावविह्वल शहिद प्रहरी परिवार (तस्विरहरु)
काठमाडौँ । आज नेपाल प्रहरीले ७० औँ प्रहरी दिवस मनाइरहेको छ । यस अवसरमा प्रहरी प्रधान कार्यालयमा विशेष समरोहको आयोजना समेत गरिएको छ । उक्त कार्यक्रममा गृहमन्त्री ओमप्रकाश अर्यालले कर्तव्य पालनाको सिलसिलामा ज्यान गुमाएका...
आजबाट तिहार सुरु, यमपञ्चकको पहिलो दिन काग तिहार मनाईदै
काठमाडौँ । कार्तिक कृष्ण त्रयोदशीदेखि सुरु हुने नेपालीको दोस्रो ठूलो चाड यमपञ्चक अर्थात् तिहार आजदेखि सुरु हुँदैछ । बिहान सूर्योदयकालमा त्रयोदशी भएको आज काग तिहार मनाउनुपर्ने निर्णय गरिएको नेपाल पञ्चाङ्ग निर्णायक विकास...
किसानलाई मल अभाव नहुने दाबी, सांसदको दबाबपछि खरिद प्रक्रिया तीव्र बनाउन निर्देशन
काठमाडौँ — प्रतिनिधि सभाअन्तर्गत कृषि,
आजदेखि देशभर मौसम बदली, धेरै क्षेत्रमा वर्षा र हावाहुरीको सम्भावना
काठमाडौं । देशका विभिन्न
ओरालो लागेकाहरुको एकतामा निकास छैन : घनश्याम भुसाल
काठमाडौँ । नेकपा एकीकृत समाजवादीका महासचिव घनश्याम भूसालले ओरालो लागेकाहरूको एकताले निकास दिन नसक्ने बताएका छन्। बुधबार काठमाडौंमा आयोजित पत्रकार सम्मेलनमा बोल्दै उनले कमजोर र ओरालो लागेकाहरूको एकताले उकालो लागिन्छ भन्...



