मनमैजुमा हात्तीको दाह्रासहित ५ जना पक्राउ, ट्रामाडोल पनि बरामद
काठमाडौंको मनमैजु क्षेत्रमा हात्तीको दाह्रा बिक्री वितरण गर्ने तयारी भइरहेको सूचनाका आधारमा प्रहरीले ५ जनालाई पक्राउ गरेको छ। काठमाण्डु उपत्यका अपराध अनुसन्धान कार्यालयको टोलीले विशेष छापा मारेर उनीहरूलाई नियन्त्रणमा लिएको हो।
पक्राउ पर्नेमा
काठमाण्डुका २५ वर्षीय राजिव महर्जन, २६ वर्षीय टेकप्रसाद गुरुङ, २७ वर्षीय आयुष
महर्जन, २४ वर्षीय पुरन बोहरा र २० वर्षीय
सन्तबहादुर भुजेल रहेका छन्।
प्रहरीका अनुसार
राजिव महर्जनको घर नजिकैको खाली जग्गामा गाडेर राखिएको अवस्थामा दुई थान हात्तीका
दाह्रा फेला परेको थियो। ती दाह्रा राष्ट्रपति कार्यालयबाट चोरी भएको हुनसक्ने
प्रारम्भिक निष्कर्ष पनि प्रहरीले सार्वजनिक गरेको छ। गत भदौ २३ र २४ गते भएको
जेनजी आन्दोलनका क्रममा राष्ट्रपति निवासमा तोडफोड र आगजनी भएको घटनासँग यो विषय
जोडिएको बताइएको छ।
त्यस्तै, पक्राउ परेकाहरूको साथबाट लागुऔषध ट्रामाडोलका १५०
ट्याब्लेट समेत बरामद गरिएको प्रहरीले जनाएको छ। उनीहरूविरुद्ध लागुऔषध नियन्त्रण
ऐन २०३३ र राष्ट्रिय निकुञ्ज तथा वन्यजन्तु संरक्षण ऐन २०२९ अनुसार थप अनुसन्धान
तथा कानुनी प्रक्रिया अघि बढाइएको छ।
एक्सप्रेस
सम्बन्धित खबर
अनलाइनमा सस्तो सामान देखाइ ठगी गर्ने क्रम बढेको भन्दै प्रहरीद्वारा सतर्क रहन अनुरोध
काठमाडौँ । जिल्ला प्रहरी परिसर काठमाडौंले अनलाइनमा सस्तो दरमा सामानहरु देखाइ ठगी गर्ने अपराध बढिरहेको भन्दै सचेत रहन आग्रह गरेको छ । अनलाइनमा सस्तो दरमा सामानहरू देखाइ अग्रीम रकम भुक्तानि गर्न लगाउने र पैसा आएको छैन भन...
जेनजी आन्दोलनमा प्रहरीको हत्यामा संलग्न थप एक जना पक्राउ
काठमाडौँ । प्रहरी वृत्त महाराजगन्जमा कार्यरत प्रहरी जवान उत्तम थापाको हत्यामा संलग्न रहेको आरोपमा प्रहरीले थप एक जनालाई पक्राउ गरेको छ । जिल्ला प्रहरी परिसर काठमाडौँको टोलीले २१ वर्षीय सोङ गुरुङलाई काठमाडौँको धुम्बाराह...
काठमाडौँ र ललितपुरका विभिन्न स्थानबाट ५७ लाखको धनमाल चोरी
काठमाडौँ । काठमाडौँ र ललितपुरका विभिन्न स्थानबाट सोमबार एकैदिन लाखौँ मूल्य बराबरको धनमाल चोरी भएको छ । केन्द्रीय प्रहरी समाचार कक्षका अनुसार विभिन्न पाँच स्थानबाट सुनका गरगहना र नगदसहित करिब ५७ लाख रुपैयाँ बराबरको धनमा...



