काठमाडौं । सिन्धु विकास बैंक लिमिटेड ले बैंकको प्रमुख कार्यकारी अधिकृत (सीईओ) मा गणेश कुमार के.सी.लाई नियुक्त गरेको छ। बैंकको सञ्चालक समितिको सोमबार बसेको बैठकले उनलाई आगामी चार वर्षका लागि उक्त जिम्मेवारी प्रदान गर्ने निर्णय गरेको हो।

यसअघि बैंकमा नायब प्रमुख कार्यकारी अधिकृतको जिम्मेवारी सम्हालिरहेका केसीसँग कार्यकारी तहमा सात वर्षभन्दा बढी अनुभव रहेको छ। साथै, उनले दुई दशकभन्दा लामो समय बैंकिङ क्षेत्रमा काम गरिसकेका छन्।

चार्टर्ड एकाउन्टेण्टसमेत रहेका केसीलाई बैंकिङ व्यवस्थापन, वित्तीय योजना तथा संस्थागत नेतृत्वमा दक्ष व्यक्तिका रूपमा चिनिन्छ।