महत्वपूर्ण भवन जोगाउन नसकेका सेनाका कमाण्डर अनुसन्धानका लागि हेडक्वार्टरमा

महत्वपूर्ण भवन जोगाउन नसकेका सेनाका कमाण्डर अनुसन्धानका लागि हेडक्वार्टरमा

काठमाडौँ । नेपाली सेनाले सिंहदरबार, संसद भवन, सर्वोच्च अदालतसहितका महत्वपूर्ण भवनहरू जोगाउन नसकिएको घटनामा अनुसन्धान गर्न त्यहाँ खटिएका सैनिक कमाण्डरलाई हेडक्वार्टर बोलाएको छ । सैनिक मुख्यालयले नेपाली सेनाका ३ जना कमाण्डरलाई अनुसन्धानका लागि झिकाएको हो । सैनिक प्रवक्ता सहायक रथी राजाराम बस्नेतले उक्त घटनामा के कसो भएको हो बुझ्न २र३ जना कमाण्डरलाई हेडक्वाटर झिकाइएको डिसीनेपालसँग पुष्टी गरे । उनले यस विषयमा अनुसन्धान जारी रहेकोले धेरै बताउन नमिल्ने भन्दै यसबाहेक थप विवरण भने दिएनन् । ‘सैनिक मुख्यालयले संवेदनशील क्षेत्रमा खटिएका नेपाली सेनाका कमाण्डरलाई हेडक्वार्टर झिकाएको हो’ उनले भने ‘उक्त घटनामा के कसो भएको हो बुझ्न २र३ जना कमाण्डरलाई हेडक्वाटर झिकाइएको हो।’ जेनजी आन्दोलनमा महत्वपूर्ण भवनहरू जोगाउन नसकेकोमा सेनाको आलोचना बढ्दै गएपछि सेनाले अनुसन्धान अगाडि बढाएको हो । उनले अनुसन्धानको क्रममा अन्य कमाण्डरहरूमाथि समेत छानबिन हुन सक्ने बताए ।

एक्सप्रेस

सम्बन्धित खबर

सन्दीप चम्किएपछि कतारमाथि नेपालको रोमाञ्चक जित

काठमाडौँ । नेपालले टी–२० विश्वकप छनोट अन्तर्गतको रोमाञ्चक खेलमा कतारमाथि विजयी हुँदै महत्वपूर्ण सफलता हात पारेको छ। खेलको क्रममा नेपाली टोलीका लेग स्पिनर सन्दीप लामिछानेले उत्कृष्ट प्रदर्शन गर्दै जितमा निर्णायक भूमिका खेले। उनको सटीक बलिङ र...