काठमाडौँ । जेनजी आन्दोनका अगुवा सुदन गुरुङले बोलेकै आधारमा दुर्गा प्रसाईंलाई गिरफ्तार गर्ने सरकारले युवाहरूको टाउकोमा ताकेर गोली हान्न आदेश दिनेलाई किन पक्राउ नगरेको भनी प्रश्न गरेका छन् । सामाजिक सञ्जालमा लेख्दै गुरुङले ‘शान्तिपूर्ण विरोध गर्ने युवाहरूको टाउकोमा ताकेर गोली हान्नेहरूलाई समातेर छानबिन गर्ने र कारबाही गर्ने आँट गृहमन्त्रीसँग नदेखिएको बताएका छन् ।

उनले शक्तिशाली व्यक्तिहरू गृहमन्त्री अर्याललाई लोप्पा खुवाउँदै हिँडिरहको भन्दै उनी लोप्पा स्वीकार गरेर कुर्चीमा बसेको आरोप पनि लगाएका छन् ।
उनले न्याय खोजिरहेका मृतक र घाइतेको उचित सम्बोधन र सबैलाई समान न्यायको प्रत्याभूति भए मात्र चुनाव सम्भव हुने पनि बताएका छन् ।