संसद पुनर्स्थापना हुँदैन, चुनावतिरै जानुपर्छ : प्रचण्ड
-
माहिर न्युज
- शनि, १२ पुस २०८२
काठमाडौँ । नेपाली कम्युनिस्ट पार्टी नेकपाका संयोजक पुष्पकमल दाहाल ‘प्रचण्ड’ले अहिले प्रतिनिधि सभा पुनर्स्थापना नहुने बताएका छन् । नेकपा केन्द्रीय कार्यालय पेरिस डाँडामा आयोजित पार्टी प्रवेश कार्यक्रममा बोल्दै उनले नेपाली कांग्रेस र नेकपा ९एमाले० पनि अब निर्वाचनतिरै जाने जिकिर गरे । संसद पुनर्स्थापनाका लागि सर्वोच्च अदालतमा रिट दर्ता भए पनि अन्ततः दुवै दल चुनावमा केन्द्रित हुने उनको भनाइ थियो ।
‘निर्वाचनमा एक ढिक्का भएर लाग्नुपर्ने छ । मलाई विश्वास छ, आज(भोलिदेखि नै नेपाली कांग्रेस र एमाले पनि सम्पूर्ण रूपमा निर्वाचनमा केन्द्रित हुनेछन्,’ प्रचण्डले भने । अब निर्वाचनको विकल्प नरहेको उनले बताए । कार्यकर्तालाई सम्बोधन गर्दै उनले भने, ‘न्यायालयमा पनि जानुभएको छ । तर म तपाईँ सबै र जनतालाई नै भन्न चाहन्छु( कुनै भ्रममा पर्न आवश्यक छैन । संसद पुनर्स्थापना अहिले हुँदैन । निर्वाचन अब अगाडि आइ नै सक्यो ।’
निर्वाचनमा नगए देश थप दुर्घटनातिर जाने उनको चेतावनी थियो । ‘निर्वाचन नभए थप अन्योल हुन्छ । थप दुर्घटना निम्त्याउने जोखिम हुन्छ,’ उनले भने, ‘अब सिङ्गो राष्ट्र निर्वाचनमा केन्द्रित हुने र आम जनतालाई त्यतातर्फ आकर्षित गर्न जरुरी छ ।’ प्रचण्डले नेता तथा कार्यकर्तालाई एकजुट भएर निर्वाचनमा लाग्न निर्देशन पनि दिए ।
सम्बन्धित खबर
प्रतिनिधिसभा निर्वाचन तालिका सार्वजनिक : समानुपातिक बन्दसूची बुझाउन तीन दिनको समय
काठमाडौँ । निर्वाचन आयोगले प्रतिनिधिसभा सदस्य निर्वाचनका लागि समानुपातिकको बन्दसूची बुझाउन तीन दिनको समय दिएको छ । आयोगले आज बसेको बैठकबाट निर्णय गर्दै पहिलो हुने निर्वाचित हुने निर्वाचन प्रणाली प्रत्यक्ष र समानुपातिक...
प्रतिनिधिसभा निर्वाचन : यस्तो छ आयोगले तोकेको समानुपातिक तर्फ समावेशी समूहको प्रतिशत
काठमाडौँ । राजनीतिक दलले समानुपातिक निर्वाचन प्रणाली बमोजिम हुने निर्वाचनका लागि उम्मेद्वारको बन्द सूची पेस गर्दा बढीमा ११० र कम्तीमा ११ जनाको नाम सूचीकृत गर्नुपर्ने भएको छ । आगामी फागुन २१ गते प्रतिनिधिसभा सदस्यको निर्वाचन हुँदैछ। प्रतिनिधिसभा सद...