काफल बेच्ने महिलामाथि नगर प्रहरीको व्यवहारप्रति आक्रोश
-
माहिर न्युज
- बुध, ०६ जेठ २०८३
सुर्खेत । वीरेन्द्रनगरमा काफल बेच्दै हिँडेकी एक महिलासँग नगर प्रहरीले गरेको व्यवहारलाई लिएर सामाजिक सञ्जालदेखि सार्वजनिक वृत्तसम्म तीव्र आलोचना भइरहेको छ।
वीरेन्द्रनगरस्थित
सिटी बसपार्क आसपासको क्षेत्रमा भएको भनिएको घटनामा डाले डोकोमा काफल बोकेर
हिँडिरहेकी महिलालाई नगर प्रहरीले रोकेको थियो। प्रत्यक्षदर्शीले खिचेको दृश्यमा
महिलाले बोकेको डोको नगर प्रहरीले नियन्त्रणमा लिन खोज्दा काफल सडकमा छरिएको देखिन्छ।
महिलाले काफल जोगाउने प्रयास गरे पनि प्रहरीको हस्तक्षेपपछि उनका सबै काफल भुइँमा
पोखिएका थिए।
घटनापछि महिलालाई
भावुक अवस्थामा देख्न सकिन्छ भने नगर प्रहरी त्यहाँबाट फर्किएको दृश्य पनि
सार्वजनिक भएको छ। ती महिलाको पहिचान भने खुल्न सकेको छैन।
काफल पहाडी क्षेत्रमा
पाइने मौसमी जङ्गली फल हो। वर्षेनी यसको सिजनमा स्थानीय बासिन्दाले जंगलबाट संकलन
गरेर बजारमा बिक्री गर्दै जीविकोपार्जन गर्ने गर्छन्। यही क्रममा सडकमा काफल
बेचिरहेकी महिलामाथि भएको व्यवहारप्रति धेरैले असन्तुष्टि व्यक्त गरेका छन्।
वीरेन्द्रनगर
नगरपालिकाका पूर्वमेयर देवकुमार सुवेदीले सामाजिक सञ्जालमार्फत घटनाप्रति
प्रतिक्रिया जनाउँदै गरिब नागरिकलाई बाँच्न दिनुपर्ने बताएका छन्।
सुर्खेत चेम्बर अफ
कमर्सका अध्यक्ष चिन्तामणि शर्माले पनि कमजोर आर्थिक अवस्थाका नागरिकमाथि यस्तो
व्यवहार हुनु दुःखद भएको टिप्पणी गरेका छन्। उनले शहर व्यवस्थापनका अन्य समस्या
समाधानतर्फ पर्याप्त ध्यान नदिई सडक किनारमा फलफूल बेच्नेहरूमाथि कडाइ गर्नु
उपयुक्त नभएको बताए।
घटनापछि नगर
प्रहरीको भूमिकामाथि प्रश्न उठिरहेका छन् भने स्थानीयवासी, व्यवसायी तथा विभिन्न सरोकारवालाले मानवीय व्यवहार अपनाउन
आग्रह गरेका छन्।
सम्बन्धित खबर
गुल्मीका स्थानीय तहमा बेरुजु : धुर्कोट शून्य, मुसिकोट सबैभन्दा बढी
प्रहरी दिवसमा सम्मानित हुँदा भावविह्वल शहिद प्रहरी परिवार (तस्विरहरु)
काठमाडौँ । आज नेपाल प्रहरीले ७० औँ प्रहरी दिवस मनाइरहेको छ । यस अवसरमा प्रहरी प्रधान कार्यालयमा विशेष समरोहको आयोजना समेत गरिएको छ । उक्त कार्यक्रममा गृहमन्त्री ओमप्रकाश अर्यालले कर्तव्य पालनाको सिलसिलामा ज्यान गुमाएका...
सुरक्षा चुनौतीको सामना गर्दै नागरिक सुरक्षाको जिम्मेवारी पूरा गर्नुको विकल्प छैन : महानिरीक्षक खापुङ
काठमाडौँ । नेपाल प्रहरीका महानिरीक्षक चन्द्र कुबेर खापुङले ७० औं प्रहरी दिवस २०८२ को अवसरमा शुभकामना व्यस्त गरेका छन् । शुक्रबार परेको ७० औं प्रहरी दिवसको अवसरमा शुभकामना दिदैँ उनले जेनजी आन्दोलन पछिको सुरक्षा चुनौतीको...
सामान्य प्रशासनमन्त्री गुप्तालाई हटाउने तयारी
साठी प्रतिशतले बढ्यो अलैँचीको निर्यात
साठी प्रतिशतले बढ्यो अलैँचीको निर्यातसाठी प्रतिशतले बढ्यो अलैँचीको निर्यातसाठी प्रतिशतले बढ्यो अलैँचीको निर्यातसाठी प्रतिशतले बढ्यो अलैँचीको निर्यातसाठी प्रतिशतले बढ्यो अलैँचीको निर्यातसाठी प्रतिशतले बढ्यो अलैँचीको निर्यात
आजबाट तिहार सुरु, यमपञ्चकको पहिलो दिन काग तिहार मनाईदै
काठमाडौँ । कार्तिक कृष्ण त्रयोदशीदेखि सुरु हुने नेपालीको दोस्रो ठूलो चाड यमपञ्चक अर्थात् तिहार आजदेखि सुरु हुँदैछ । बिहान सूर्योदयकालमा त्रयोदशी भएको आज काग तिहार मनाउनुपर्ने निर्णय गरिएको नेपाल पञ्चाङ्ग निर्णायक विकास...