भारतीय कारमा नेपाली नम्बर प्लेट टाँसेर गुड्दै थिए, भेडेटारमा पक्राउ
धनकुटामा भारतीय दर्ताको सवारी साधनमा अवैध रूपमा नेपाली नम्बर प्लेट प्रयोग गरी सञ्चालन गरेको आरोपमा एक युवक पक्राउ परेका छन्।
पक्राउ पर्नेमा भारतको बिहार राज्य, जोगबनी थाना अन्तर्गत अमोना पञ्चायत–२१ मिरगञ्ज निवासी २२ वर्षीय नन्दुकुमार चौधरी रहेका छन्। उनलाई धनकुटाको साँगुरीगढी गाउँपालिका–६ भेडेटारस्थित कोशी लोकमार्गमा सवारी चेकजाँचका क्रममा नियन्त्रणमा लिइएको हो।
इलाका प्रहरी कार्यालय भेडेटारबाट खटिएको टोलीले धरानतर्फ जाँदै गरेका सवारी साधनहरूको नियमित जाँच गर्ने क्रममा चौधरीले चलाइरहेको सेतो रंगको कारमाथि शंका गरी परीक्षण गरेको थियो। जाँचका क्रममा उक्त कारको वास्तविक भारतीय नम्बर BR AG 6702 रहेको खुलेको प्रहरीले जनाएको छ।
तर, सो भारतीय नम्बर प्लेटमाथि प्रदेश १–०१–००१ च ९२९४ नम्बरको नेपाली प्लेट राखेर सवारी सञ्चालन गरिएको भेटिएपछि चालकलाई नियन्त्रणमा लिइएको धनकुटा प्रहरीका प्रवक्ता प्रहरी नायब उपरीक्षक हेमन्त भण्डारी क्षेत्रीले जानकारी दिए।
प्रहरीले चालक र सवारी साधनलाई नियन्त्रणमा लिएर आवश्यक अनुसन्धान तथा कानुनी कारबाहीका लागि यातायात व्यवस्था सेवा कार्यालय, धनकुटामा पठाएको छ। घटना सम्बन्धी कारबाही यातायात व्यवस्था ऐन, २०४९ अनुसार अघि बढाइएको प्रहरीले जनाएको छ।
एक्सप्रेस
सम्बन्धित खबर
पेट्रोलको मूल्य घट्यो, प्रतिलिटर मूल्य कति ?
काठमाडौँ । नेपाल आयल निगमले पेट्रोलको मूल्य घटाएको छ । निगम सञ्चालक समितिको बैठकले आज मध्यरातदेखि लागू हुने गरी पेट्रोलको मूल्यमा प्रतिलिटर रु २ घटाएको हो। डिजेल, मट्टितेलको मूल्य भने यथावत रहेको छ । मूल्य घटेसँगै पहिलो, दोस्रो र तेस्रो वर्गमा पेट...
भारत भ्रमणमा रहेका रवि लामिछानेको आज भाजपा नेतृत्वसँग उच्चस्तरीय राजनीतिक संवाद
काठमाडौँ । भारत भ्रमणमा रहेका राष्ट्रिय स्वतन्त्र पार्टी (रास्वपा)का सभापति रवि लामिछाने ले आज भारतीय जनता पार्टी (भाजपा)का शीर्ष नेताहरूसँग महत्वपूर्ण राजनीतिक भेटवार्ता गर्ने कार्य...
रोल्पामा दुई वटा सकेट बम फेला, सुरक्षाटोलीद्वारा नियन्त्रणमा
रोल्पाको परिवर्तन गाउँपालिका–३ बागमारा क्षेत्रमा दुई वटा सकेट बम फेला परेका छन्। पाछावाङ खोलामा जाली लगाउनका लागि खन्ने क्रममा मंगलबार बिहान मजदुरहर...
नेपालको मौसम आज बदली
बेलायतमा नेपाली विद्यार्थी सुतेकै अवस्थामा मृत फेला
काठमाण्डौँ । लन्डनमा एक नेपाली विद्यार्थीको मृत्यु भएको छ । सल्यानको भल्चौर ७ का योमन चन्दको मंगलबार बिहान ९ः३० बजे लन्डन एजवेयरमा निधन भएको हो । एक वर्षअघिमात्र अध्ययनका लागि बेलायत आएका योमनको सुतेकै अवस्थामा ज्यान गएको उनीसँगै बस्ने मनोज कुँवरल...
३० वर्ष सेवा वा ५५ वर्ष उमेर पुगेपछि अनिवार्य अवकाशको तयारीमा सरकार
काठमाडौं । सरकारले निजामती सेवामा व्यापक सुधारको तयारीस्वरूप ३० वर्ष सेवा अवधि पूरा गरेका वा ५५ वर्ष उमेर पुगेका कर्मचारीलाई अनिवार्य अवकाश दिने व्यवस्था ल्याउने गृहकार्य अघि बढाएको छ।
यसका लागि संघीय निजामती सेवा ऐन संशो...


