खाद्यान्न आयात घट्दा वीरगन्ज नाकाको कारोबार खुम्चियो

खाद्यान्न आयात घट्दा वीरगन्ज नाकाको कारोबार खुम्चियो

वीरगन्ज नाका हुँदै चालु आर्थिक वर्षको पहिलो १० महिनामा रु २० अर्ब ७९ करोड बराबरको खाद्यान्न आयात भएको छ। यो रकम गत आर्थिक वर्षको सोही अवधिको तुलनामा रु तीन अर्ब ८७ करोड अर्थात् १५ प्रतिशतले कम हो।

वीरगन्ज भन्सार कार्यालयका सूचना अधिकारी उदयसिंह विष्टका अनुसार गत आर्थिक वर्षको १० महिनामा यस नाकाबाट रु २४ अर्ब ६६ करोड मूल्यका १६ प्रकारका खाद्यान्न आयात भएका थिए। चालु आर्थिक वर्षमा भने खाद्यान्न आयातको मूल्यमा उल्लेख्य गिरावट आएको छ, जसको असर भन्सार कारोबारमा पनि परेको देखिएको छ।

तथ्याङ्कअनुसार चालु आवमा रु १० अर्ब ९४ करोड मूल्यको धान आयात भएको छ भने रु पाँच अर्ब ३१ करोड बराबरको मकै र रु दुई अर्ब ८५ करोड मूल्यको चामल भित्रिएको छ।

यसैगरी रु ५९ करोड मूल्यको माल्ट तथा रु ३३ करोड बराबरको फापर, कोदो र अन्य खाद्यान्न आयात भएको सूचना अधिकारी विष्टले जानकारी दिए।

खाद्यान्न आयातमा आएको कमीले वीरगन्ज नाकाको समग्र कारोबारमा समेत संकुचन देखिएको छ। यद्यपि धान, मकै र चामलजस्ता मुख्य खाद्यान्नको आयात भने अझै उच्च मात्रामै रहेको भन्सारको तथ्याङ्कले देखाएको छ।

एक्सप्रेस

सम्बन्धित खबर

निर्वाचन आयोगले पायो ६ अर्ब ७३ करोड रूपैयाँ

काठमाडौँ । अर्थ मन्त्रालयले प्रतिनिधिसभा निर्वाचनका लागि स्वीकृत बजेटलाई परिमार्जन गरेर वृद्धि गरेको छ । आयोगले निर्वाचनका लागि ७ अर्ब ८१ करोड रुपैयाँ बजेट माग गरेको थियो, तर अर्थ मन्त्रालयले यसमा लगभग ४० प्रतिशत कटौती गर्दै ४ अर्ब ९६ करोड मात्र स...

केपी ओलीको विकल्पमा आइन् विद्या भण्डारी

उनले चलाउँदै आएको हरिहर कृषि तथा पशुपालन कम्पनी पहिले भक्तपुर कौशलटारभन्दा मुनि हनुमन्ते खोला नजिकै थियो । गत वर्ष असोज ११ मा सोही खोलामा बाढी आएर बस्न नसकिने भएपछि उनी अहिले सरेर राधेराधे पुगेका छन् । उनले गाई फार्म सञ्चालन गर्दै आएका छन् ‘म ठाउँ सर...