विद्यालयबाट घर फर्कंदै गरेका दुई बालकलाई भेलले बगायो, एकको मृत्यु, अर्का अझै बेपत्ता
प्युठानको नौबहिनी गाउँपालिका–५ डाम्री काँटेमा वर्षासँगै आएको आकस्मिक बाढीले दुई बालकलाई बगाउँदा एक जनाको ज्यान गएको छ भने अर्का बालक अझै बेपत्ता रहेका छन्।
स्थानीय याम बहादुर खत्रीका दुई छोरा, कक्षा १ मा अध्ययनरत करिब ७ वर्षीय बिमल खत्री र कक्षा ३ मा अध्ययनरत ११ वर्षीय मिलन खत्री विद्यालयबाट घर फर्किने क्रममा जोगीपँधेरा बर्खे खोलामा आएको भीषण भेलमा परेका हुन्। उनीहरू श्री जनता प्राथमिक विद्यालय, नौबहिनी गाउँपालिका–५ काँटेबाट दिउँसो विद्यालय छुट्टी भएपछि घरतर्फ जाँदै गर्दा अचानक परेको अविरल वर्षाका कारण खोलामा आएको बाढीले बगाएको बताइएको छ।
दुवै दाजुभाइलाई बाढीले बगाएपछि स्थानीयवासीले खोजी थालेका थिए। खोजीका क्रममा कान्छो छोरा बिमल खत्रीको शव फेला परेको छ भने जेठा छोरा मिलन खत्रीको अवस्था अझै अज्ञात छ। उनको खोजी तथा उद्धार कार्य स्थानीयवासी तथा सम्बन्धित निकायको सक्रियतामा जारी रहेको जनाइएको छ।
घटनाले खत्री परिवारलाई गहिरो शोकमा डुबाएको छ। बालकहरूका पिता याम बहादुर खत्री वैदेशिक रोजगारीका सिलसिलामा विदेशमा रहेका छन्। घरमा आमा, छ महिनाकी बहिनी तथा बिरामी हजुरबुबा–हजुरआमा मात्रै रहेका कारण यो घटनाले परिवारमाथि थप पीडा थपिएको छ।
घटनापछि परिवारका सदस्यहरू स्तब्ध र विक्षिप्त अवस्थामा रहेको स्थानीयले बताएका छन्।
नौबहिनी गाउँपालिका–५ का वडा सदस्य कुलबहादुर के.सी.का अनुसार एक बालकको शव फेला परिसकेको छ भने बेपत्ता भएका अर्का बालकको खोजी कार्यलाई तीव्रता दिइएको छ।
यस हृदयविदारक घटनापछि सम्पूर्ण गाउँ शोकमग्न बनेको छ। स्थानीयवासीले वर्षायाममा बाढी तथा पहिरोबाट हुने जोखिम न्यूनीकरण, सुरक्षित आवतजावतको व्यवस्था तथा विपद् व्यवस्थापनका पूर्वतयारीलाई प्रभावकारी बनाउन सम्बन्धित निकायको गम्भीर ध्यानाकर्षण गराएका छन्।
एक्सप्रेस
सम्बन्धित खबर
तीन दिनदेखि अवरुद्ध बिपी राजमार्ग सञ्चालन
काभ्रेपलाञ्चोक । बाढीपहिरोका कारण तीन दिनदेखि अवरुद्ध बिपी राजमार्ग सञ्चालनमा आएको छ । राजमार्गअन्तर्गत काभ्रेपलाञ्चोकतर्फ चौकीडाँडा(नेपालथोक सडकखण्डका विभिन्न स्थानमा पहिरो तथा लेदो खसेकाले अवरुद्ध भएको थियो । अवरोध ह...
ओरालो लागेकाहरुको एकतामा निकास छैन : घनश्याम भुसाल
काठमाडौँ । नेकपा एकीकृत समाजवादीका महासचिव घनश्याम भूसालले ओरालो लागेकाहरूको एकताले निकास दिन नसक्ने बताएका छन्। बुधबार काठमाडौंमा आयोजित पत्रकार सम्मेलनमा बोल्दै उनले कमजोर र ओरालो लागेकाहरूको एकताले उकालो लागिन्छ भन्...
एमालेमा हलचल, तर खुल्न डर
हुम्लाको नेप्का गाउँमा बाढी–पहिरोको वितण्डा, विद्यालयदेखि खेतीबालीसम्म व्यापक क्षति
हुम्लाको चंखेली गाउँपालिका–५ स्थित नेप्का गाउँमा मंगलबार रा...
रेसुङ्गा–६ मा भीषण आगलागी, सुरक्षाकर्मी र स्थानीयको प्रयासमा ठूलो क्षति टर्यो
गुलमी । गुल्मीको रेसुङ्गा नगरपालिका–६ अन्तर्गत छाप र नेटाखर्क क्षेत्रमा भीषण आगलागी भएको छ । आगलागीका कारण स्थानीयवासी त्रसित बनेका थिए भने बस्तीमा क्षति पुग्ने जोखिम बढेको थियो ।
आगो नियन्त्रणका लागि सशस्त्र प्रहरी बल नेपाल गुल्मीबाट खटिएको...


